الشاعر احمد مخيمر****صدي صوت

‎احمد بديوي‎  ‎الشاعر احمد مخيمر‎.

الشاعر احمد مخيمر

صدي صوت

وبحاول أدعى
إنك تجرب كسرتي
بلاقي نار دمعي
تبرد دعوتي
وقت أما أقول اسمك
بتنزل دمعتي
وألاقي نفسي بقول
يارب
إهديه بدالي فرحتي
رافض أنا أدعى بأذاك
رغم إن منك شفت نار
كانت فعز الفرحه
تحرق جنتي
مبقتش قادر غير أسامحك
لكن معنتش تاني أصالحك
مبقتش عارف أداوي جرحك
مبقتش عارف اداري عن قلبي
حقيقة قصتي
عيشته وهم الحب فيك
ورسمت شمس الدنيا بيك
خبيت أهاتي قصاد عنيك
أجبرت كل الدنيا تضحك
بس ليك
وعملت منك دنيتي
وبنيت مدينه حب سُكَنها صور
مرسومه بخطاوي رضاك
وفعز فرحة حبنا
وأنا شوقي كان حاضن اديك
بصيت لقيت روحك مفارقه جمعنا
راجعه بلهفة شوق وحنيه لماضيك
حسيت كأني ف حلمي ماشي
وفجأه تاهت خطوتي
واقف فوسط ضباب
بيخنق غنوتي
وأخر ما رد الصوت دعايا
تسمع بودنك ضحكتي
وعشان تعيش بعدي سعيد
وعدي فعز حنيني ليك
هدعي إليك
واقتل دموعي ببسمتي

----------------------------------
احمد مخيمر

مصنفة تحت: مضيفة