احمد بديوي***وإبقي إفتكرني

‎احمد بديوي‎ 

احمد بديوي

وإبقي إفتكرني فضحكتك
أنا ذكري حلوه ف قصتك
وأنا هنسي منك قسوتك
وف قلبي هبقي محبتك
وهقول كمان باعني الزمن
مقدرتش الحق خطوتك
وإن الفراق كان ليه سبب
تاه قلبي من نور بسمتك
بس إفتكرني فضحكتك

وإبقي إفتكرني فكل ليل
لما السهر تلقاله ويل
والليل بلون شعرك طويل
والبدر تاه ملهوش دليل
مكسوف كده من طلتك
وإبقي إفتكرني ف فرحتك

وإياك فيوم القاك حزين
أو حتي خايف م السنين
أنا روحي سيبالك حنين
عالخد بوسة شوق جنون
بلاش تضيع مع دمعتك
وإبقي إفتكرني فغنوتك

إبقي إفتكرني فكل حال
وإبعتلي مع طيفك سؤال
متقولش ردي عليك محال
لو نسمه هبعتها بدلال
تحضن بدالي جنتك
وإبقي إفتكرني فضحكتك
-------------------
احمد مخيمر
20/11/2017

مصنفة تحت: مضيفة