أنا عايز أحبك بطريقتي /// أحمد طرشان

أنا عايز أحبك بطريقتي
أنا عايز أحبك بطريقتــــــــــــــــــــــــــتي
وأعلمك تبقى حبيبتــــــــــــــــــــــــــــــــي
تاخدي كلامك من بقـــــي
أظن دا برضك حقـــــــي
أنا يا حياتي راجل شرقي
عايزك تحافظي على كرامتـــــــــــــــــــــــي
وتبقي ملكه في مملكتــــــــــــــــــــــــــــــــي
******
عايز كلامي يكون مسموع
وتخرجي لوحدك ممنــــوع
بلاش كمان تسوقيلي دموع
وتستغلي سماح طيبتـــــــــــــــــــــــــــــــــي
******

خليكي ليَّه لوحديّـَه
قمره تنور لياليّـَـــه
حنان وحب وحنيَّه
وحققي ف حبي سعادتـــــــــــــــــــــــــــي
املي بعطرك حواديتــــــي
وزوقي بنفسك بيتـــــــــــي
ونسمه كوني رحتي وجيتي
وكوني ف الحب حكايتـــــــــــــــــــــــي
******

مصنفة تحت: نبضات