احمد خلف نشمي /// شعر شعبي

احمد خلف نشمي

شعر شعبي

نسيناكم
صدك صارت سوالفكم
رخيصة وتكسر الخاطر

صدك ماتت مشاعركم
ظل بيها الهجر حاضر

جنه نصوغ للملكه
قصيده بشفة الشاعر

وجنه نهيم بودادك
هيام المدنف الساهر

وجنه نكول لا تبعد
يلبيك الفكر حاير

هسه نكول لا ترجع
لا رد ليل المناطر

بعد صارت سوالفكم
ذكره بصفحة الماضي

نسيناكم بعد هينوب
ترضى وله ما راضي

انت عيش باحزانك
وآنه من الحزن فاضي

ما ينفع بعد توسيل
خلصت قرر القاضي

ارجع داوي بجروحك
أذكر من جنت جاير

صدك صارت سوالفكم
ما الهن طعم لا ذوق

لا بيهن حلاوة ليل
ما بيهن موده وشوق

لا بيهن ترافه البيك
ما بيهن حنين النوق

بس دمعات ظل يجرن
هم مثلي أريد تذوق

من يمي الك دارت
شوف شكد جنت صابر

أحمد خلف نشمي — العراق

مصنفة تحت: مضيفة